作者：朱海洪
滬語改寫：邊秦翌
滬語講述：徐輝
詹周氏立時(shí)三刻就撥捉起來了。法院開庭個(gè)辰光，伊對(duì)伊自家殺人個(gè)事體一眼也勿賴，承認(rèn)了。搿只案子看上去是比較簡(jiǎn)單個(gè)，殺人償命，判個(gè)死刑或者是無期徒刑么就可以了。
但是，想勿到個(gè)事體又出現(xiàn)了。
先講殺夫案?jìng)€(gè)當(dāng)天早浪向，鄰居賀大麻子突然之間就失蹤了。搿個(gè)看上去蠻奇怪個(gè)，就拿賀大麻子也捉得來審問審問。賀大麻子個(gè)真名叫做賀惠賢，捉起來之后伊馬上就招口供了：原來伊出于同情，平時(shí)辰光常莊借鈔票撥勒詹周氏，詹周氏總歸是有借無還，同情就慢慢叫變成功了奸情。詹周氏殺脫男人之后，賀大麻子嚇得出了一身冷汗，常怕搭自家有得牽連，就逃出去避避風(fēng)頭，實(shí)際浪向殺人個(gè)事體搭伊是渾身勿搭界個(gè)。
挨下來法官又開始想了，迭個(gè)詹周氏好像勿大簡(jiǎn)單、有眼復(fù)雜個(gè)，葛末再審審伐。嘸沒想到，搿趟再審，又審出新個(gè)事體唻，詹周氏又牽出一個(gè)小寧波。小寧波本名叫何寶玉，是大塊頭個(gè)朋友。詹周氏講搭小寧波有奸情，殺男人是伊動(dòng)手前兩天搭小寧波商量好個(gè)。動(dòng)手搿日天，小寧波趁牢仔大塊頭睏著個(gè)辰光溜到伊拉屋里去，詹周氏遞撥勒小寧波一把菜刀，小寧波先朝牢仔大塊頭個(gè)頭頸浪用力斬一刀，伊再上去勒腦門高頭又補(bǔ)了一刀。
既然是講得搿能介清爽末，法院快點(diǎn)去拿小寧波捉得來審問。小寧波就算長(zhǎng)了一百只嘴巴也嘸沒辦法解釋呀，只會(huì)得叫冤枉。法官只好再去審詹周氏，沒想到伊又翻案了，講伊是屈打成招再瞎講八講個(gè)，其實(shí)搭小寧波是嘸沒關(guān)系個(gè)。乃末法官頭也大煞了：迭個(gè)詹周氏真?zhèn)€蠻有一套個(gè)，編故事編得來像電影一樣個(gè)。
1945年5月3號(hào)庭審判決：詹周氏因殺人判死刑，剝奪公權(quán)終身，菜刀一把沒收。賀大麻子搭仔小寧波無罪釋放。
案子本來可以收?qǐng)隽耍瑖`沒想到半路浪又殺出一個(gè)程咬金來，平地又起波瀾了：迭只案子個(gè)內(nèi)容邪氣多，再加上翻過來翻過去，特別個(gè)刺激神經(jīng)，所以交關(guān)報(bào)紙開始大肆報(bào)道醬園弄?dú)⒎虬?，而且越來越多個(gè)人對(duì)詹周氏是邪氣同情個(gè)，甚至有人為伊辯解搭申訴，其中最最有名個(gè)就是蘇青。
蘇青曾經(jīng)是上海灘浪著名個(gè)女作家，伊個(gè)代表作《結(jié)婚十年》勒當(dāng)時(shí)是邪氣暢銷個(gè)，風(fēng)頭勿亞于張愛玲。伊有得一只缺點(diǎn)，文筆雖然蠻好，但大事體浪蠻糊涂個(gè)。伊搭汪偽政府個(gè)陳公博關(guān)系邪氣好，還當(dāng)過偽政府專員。必過，勒勒醬園弄?dú)⒎虬府?dāng)中，伊敢于為弱勢(shì)女性抱勿平，專門寫文章《為殺人者辯》，里向講到：詹周氏殺夫是為生活所迫個(gè)死里求生，歸根結(jié)底還是社會(huì)問題。
本來勒監(jiān)牢里等死個(gè)詹周氏又起勁了，伊開始上訴，但是最后還是撥高等法院駁回了。
乃末，搿記詹周氏總歸要死脫了伐？嘸沒哦，故事又來了，半路里又出來一個(gè)外國程咬金。搿個(gè)外國程咬金是個(gè)嬤嬤，伊上法庭為詹周氏作證，講詹周氏肚皮里有小人了。法官拉大眼瞪小眼，只好宣布等到伊拿小人生下來再講。
嘸沒想到，幾個(gè)號(hào)頭之后抗戰(zhàn)就勝利了，大赦天下，詹周氏個(gè)死刑改判成無期徒刑。又過脫幾年，全國解放，再大赦，詹周氏個(gè)無期改成了有期徒刑。最后，詹周氏坐了15年個(gè)監(jiān)牢，出來之后撥送到蘇北大豐農(nóng)場(chǎng)，像奇跡一樣活下來了，一直到上世紀(jì)九十年代再去世個(gè)。真?zhèn)€是：
天作之合，小尼姑重返紅塵；
機(jī)緣巧合，詹周氏死里逃生。
朗讀者
往期回顧：
農(nóng)曆廿四節(jié)氣詩詞誦讀 小雪——?dú)埦?/a>
圖：網(wǎng)絡(luò) / 編輯：渺渺
聯(lián)系客服
