作者：沈嘉祿
滬語(yǔ)改寫：丁曙立
朗讀：王維杰
文字修正、推薦：丁迪蒙
上海個(gè)弄堂房子，一般以石庫(kù)門居多，門框是三根石條搭起來(lái)個(gè)或者用磨石子水泥砌成功個(gè)，門楣個(gè)石條浪刻有山花，也會(huì)有眼雕飾，再刻幾個(gè)寓意吉祥個(gè)字，表示搿家人家是書香門第或者是官宦人家，反正就是“封資修”個(gè)一套。
兩扇大門浪裝有銅個(gè)門環(huán)，敲門個(gè)辰光聲音老響個(gè)，后來(lái)勿曉得啥個(gè)原因就撥拆脫了。黑漆大門斑斑駁駁，漆皮也翹起來(lái)了，房管所已經(jīng)交關(guān)年數(shù)嘸沒(méi)來(lái)大修了。門板浪釘了好幾只信箱，最大一只是阿拉屋里個(gè)，老爸訂了《半月談》、《新民晚報(bào)》，我訂了《上海文學(xué)》、《收獲》。
搿個(gè)是上世紀(jì)八十年代個(gè)記憶，搿個(gè)辰光啥人也嘸沒(méi)想到，石庫(kù)門弄堂個(gè)末日開(kāi)始了。
石庫(kù)門房子儕有一只天井。勒我讀小學(xué)個(gè)辰光，天井里向是邪氣鬧猛個(gè)，嘰嘰呱呱像打翻了青蛙竹簍，小學(xué)生七八個(gè)，擱塊汏衣裳板開(kāi)小組，默寫生詞，做算術(shù)題……前客堂寧波阿娘個(gè)小孫囡敏敏做小組長(zhǎng)，伊像模像樣個(gè)：“謝建偉，儂做啥！又勒偷看是伐？”
天井四角方方，是石庫(kù)門房子個(gè)公共空間，是到房間里去個(gè)必經(jīng)之地，搿搭透氣，邪氣亮個(gè)。老底子，石庫(kù)門房子只蹲一份人家個(gè)辰光，可以勒此地?cái)[只水缸，養(yǎng)養(yǎng)金魚、種種荷花。后首來(lái)，住房緊張了，房管所也會(huì)得勒此地搭只頂棚，砌兩堵墻，像模像樣個(gè)也算間房間了，按號(hào)頭收房租，就算國(guó)家承認(rèn)儂個(gè)居住權(quán)了。
住戶平常一般勿拿大門關(guān)煞脫，為了通風(fēng)，只裝一扇腰門，過(guò)路人勿可以一眼看到里向，就多少保留了一眼隱私。但是，搿幢樓里所有個(gè)居民就要從后頭個(gè)灶披間后門進(jìn)出了，倒也相安無(wú)事。
天井個(gè)后頭就是客堂間，搿是一幢房子里向最正氣個(gè)一間了。朝南，四扇落地長(zhǎng)窗，打開(kāi)以后相當(dāng)威風(fēng)。有種地方還是馬賽克鋪地，色磚鑲拼，六角、八角、回紋邊框咾啥。后來(lái)，勒落地窗個(gè)位置砌起了墻頭，裝上窗門，據(jù)說(shuō)是為了安全。
天井個(gè)一側(cè)是廂房。并勿是每幢石庫(kù)門房子儕有廂房個(gè)。譬如講，興業(yè)路浪中共一大會(huì)址，四幢石庫(kù)門房子聯(lián)排，看上去勿錯(cuò)，但嘸沒(méi)廂房，只有前后客堂。
廂房勒天井個(gè)東面?zhèn)€稱東廂房，廂房勒西面就是西廂房了。
廂房是一長(zhǎng)統(tǒng)個(gè)，搭客堂間以直角相對(duì)，前半段是前廂房，對(duì)牢天井有寬寬大大個(gè)窗門，光線勿錯(cuò)。過(guò)去二房東會(huì)搭承租人講：搿搭是整幢房子風(fēng)水最好個(gè)，租金當(dāng)然要高一眼。后廂房個(gè)窗門朝北，光線就暗了，假使是水泥地板，一到冷天介就冷得要命。假使勒前后廂房當(dāng)中再隔出一間，搿也是常莊有個(gè)格局，因?yàn)閲`沒(méi)地方可以開(kāi)窗，搿簡(jiǎn)直就是暗無(wú)天日了。
從客堂間旁邊一條只容得落一個(gè)人通過(guò)個(gè)夾弄慢慢叫走過(guò)去，就可以看到上二樓個(gè)扶梯。不過(guò)，慢，樓梯旁邊個(gè)就是后廂房個(gè)門。老暗個(gè)是伐？眼睛還勿能馬上適應(yīng)，摸到開(kāi)關(guān)，電燈就亮了，墻浪向有一排小火表。哦，墻角上方還掛勒一只佛龕，楊家個(gè)祖宗牌位就供勒此地。
朝后頭看一眼，搿搭有太陽(yáng)光從曬臺(tái)昏昏沉沉個(gè)灑下來(lái)。水斗裝勒此地塊，地浪呢，一日到夜是濕搭搭個(gè)，還有一股屎騷臭，自來(lái)水籠頭裝了好幾只，一家一只，有辰光還會(huì)得套只馬口鐵皮個(gè)罐頭，側(cè)面開(kāi)口個(gè)地方插一根鐵條，上鎖！大家勒搿搭汏菜、淘米，皮小囡勒搿搭小便。然后到灶披間去。
灶披間直通后門，八九個(gè)平方，四面墻壁黑鐵墨托，陳年個(gè)油漬相當(dāng)深重，有幾個(gè)地方像煞還勒流下來(lái)，就像書法當(dāng)中一再?gòu)?qiáng)調(diào)個(gè)“屋漏痕”。天花板浪拉勒橫七豎八個(gè)電線，上頭布滿了蜘蛛網(wǎng)，靠墻擺了四五只煤球爐子，爐子個(gè)上頭還掛勒幾只七歪八牽個(gè)庎櫥，里向除脫仔油鹽醬醋、還有深居簡(jiǎn)出個(gè)蟑螂。勒巴掌寬個(gè)空隙里還要硬勁嵌進(jìn)去一只小臺(tái)子，切菜、斬肉、包餛飩。
退出灶披間，重新回到樓梯下頭，就是前客堂個(gè)后半截，也叫后客堂，只有三四個(gè)平方。搿搭幾乎是伸手勿見(jiàn)五指，是撥陽(yáng)光遺忘個(gè)角落。住勒搿搭，租金應(yīng)該是最便宜個(gè)伐。搿個(gè)……我勿清爽，不過(guò)姆媽告訴我，蹲勒搿搭個(gè)肖老太是二房東噢。
二房東？蹲勒搿搭？想勿通伐？二房東拿最敞亮、最正氣、陽(yáng)光充足個(gè)朝南房子租撥客戶，實(shí)現(xiàn)利潤(rùn)最大化，伊自家寧可天天蜷縮勒陰暗潮濕個(gè)后客堂，勒昏暗個(gè)燈光下頭數(shù)鈔票。
二房東，二房東，搿種事體也只有上海人再做得出來(lái)個(gè)！
走到底樓搭二樓之間，請(qǐng)注意樓梯旁邊有一扇小小個(gè)移門，拉開(kāi)來(lái)，搿是一間夾層。天啊，夾層個(gè)高度只有一米多，立也立勿直個(gè)，好蹲人個(gè)？當(dāng)然好蹲個(gè)，搿搭蹲了一家三個(gè)人，戶主姓陳，夫妻兩家頭加個(gè)女小囡，早出夜歸，看見(jiàn)鄰居儕客客氣氣個(gè)。關(guān)了門，就別有洞天了。賀友直畫石庫(kù)門風(fēng)情，有一幅畫就專門描寫夾層個(gè)，一個(gè)男人挑了擔(dān)煤球抖抖豁豁走上樓梯，女人勒屋里向炒菜，作孽??！
老寧波對(duì)上海石庫(kù)門個(gè)生活頂頂熟悉了，只有伊再畫得出來(lái)。
二樓到了，二樓個(gè)前客堂搭樓下頭個(gè)前客堂對(duì)應(yīng)，一樣大小，更加敞亮、八面來(lái)風(fēng)。一邊也有前廂房、后廂房，有個(gè)還是通廂房，從南到北一統(tǒng)，賽過(guò)保齡球道，搿就比較海威了。
搿能介個(gè)人家，三代同堂，講勿定有整堂個(gè)紅木家生，揩得精光錚亮，哦呦，還有落地座鐘、電風(fēng)扇，看來(lái)當(dāng)家男人勒舊上海是有眼實(shí)力個(gè)。后廂房個(gè)住戶，假使子女多末，日腳就要過(guò)得緊繃繃了。
仔細(xì)考察，當(dāng)年個(gè)營(yíng)造商邪氣會(huì)做表面文章，勒前廂房、前客堂個(gè)處理浪向比較舍得用料，搿是上海人個(gè)面子，造到后廂房、后客堂、亭子間，墻頭就砌得七高八低，地板也鋪得七翹八裂，連得洋釘也會(huì)得戳出來(lái)，窗門本來(lái)朝北，也就勿講究了，可以通風(fēng)、透氣就算唻。
不過(guò)勒上眼檔次個(gè)弄堂里向，會(huì)得出現(xiàn)兩廂兩天井個(gè)石庫(kù)門房子，葛么亭子間也就成了雙亭子間，搿能介個(gè)房子勒造個(gè)辰光勿敢馬虎，一般儕砌兩磚厚個(gè)墻。
亭子間，勒上海人講起來(lái)，是有眼曖昧個(gè)，亭子間就勒灶披間個(gè)上頭，狹小、低矮、朝北開(kāi)窗。
蹲勒亭子間個(gè)女人撥鄰舍稱作“亭子間嫂嫂”，三十年代個(gè)窮作家租此地，撥稱作“亭子間作家”，蕭軍、蕭紅飄勒上海個(gè)日腳，想必也勒亭子間里相濡以沫。亭子間是個(gè)小小個(gè)私密空間，勒物理意義上有眼離島個(gè)屬性，也最容易爆出愛(ài)情個(gè)火花。
作者：沈嘉祿
朗讀者：王維杰
編輯：Joy Wang
聯(lián)系客服
